"Елорда даму" ЖШС "Нұра" ауданында, А. Бектұров көшесі, № 17, 17/1, 17/2, 17/3 үй мекен-жайы бойынша орналасқан кіріктірілген орын-жайлары бар көппәтерлі тұрғын үй кешенін ұсынады.

9, 12 және 14 қабатты тұрғын үй кешенінің құрылымы газбетонды блоктармен толтыра отырып, темірбетонды қаңқадан жасалған. Жобада таза әрленген күйдегі және ыңғайлы жоспарланған, бір, екі және үш бөлмелі пәтерлер қарастырылған. Тұрғын үй кешенінің бірінші қабатында кіріктірілген (сауда-кеңсе) орын-жайлар орналасқан.

Бұл тұрғын үй кешені елорданың сол жағалауының жатын ауданында орналасқан.  Жақын маңда дүкендер, "Magnum" және "Анвар" супермаркеттері, мейрамханалар, кофеханалар, скверлер, Binom School, Future School, балабақша, медициналық мекемелер, "Хан шатыр" СОО, спорт кешендері және елорданың басқа да сәулет құрылыстары орналасқан.