Өтінім қалдыру

Пәтер сатып алу үшін
өтінім қалдырыңыз

 

 

Мемлекет Басшысының тапсырмасын орындау мақсатында Қазақстан Республикасы Үкіметінің 2012 жылғы 21 маусымдағы № 821 қаулысымен бекітілген «Қолжетімді тұрғын үй – 2020» Бағдарламасына Астана қаласындағы апатты тұрғын үйлерді бұзу жөніндегі пилоттық жобаны іске асыруды қарастыратын тарау енгізілді.

«Қолжетімді тұрғын үй – 2020» Бағдарламасын іске асыру шеңберінде Астана қаласының әкімдігімен жергілікті атқарушы орган жүз пайызбен қатысатын уәкілетті ұйым – «Елорда даму» жауапкершілігі шектеулі серіктестігі құрылды.

«Қолжетімді тұрғын үй - 2020» Бағдарламасы реформацияланғандығына байланысты пилоттық жобаны іске асыру Өңірлердің 2020 жылға дейінгі даму бағдарламасынының шеңберінде жүзеге асырылды.

Бүгінгі күні пилоттық жобаны іске асыру Қазақстан Республикасы Үкіметінің 2016 жылғы 31 желтоқсандағы №922 қаулысымен бекітілген «Нұрлы  жер» тұрғын үй құрылысы бағдарламасының шеңберінде жүзеге асырылып жатыр.

Бағдарлама Мемлекет Басшысының Қазақстан Республикасы Үкіметінің 2016 жылғы 9 қыркүйектегі кеңейтілгін отырысында берген тапсырмасын орындау мақсатында әзірленген және тұрғын үйдің қолжетімділігін қамтамасыз ету және оған қолданыстағы бағдарламалардан тұрғын үйге қатысты сұрақтарды интеграциялау үшін тұрғын үйдің құрылысын ынталандырудың жаңа тәсілдерін жасауға бағытталған.

Бағдарламада Астана қаласындағы апатты тұрғын үйлерді бұзу жөніндегі пилоттықжобаны іске асыру тегігі белгіленген, ол Астана қаласының «ескі» кварталдарын кешенді түрде қайта құруды, жаңа тұрғын үйдің құрылысын жүргізуді және Жобаны қайта инвестициялау және қарыз қаражатты қайтару мақсатында жылжымайтын мүлік нарығында тұрғын және тұрғын емес орын-жайлардың бос аудандарын сатуды қарастырады.

Өзара іс-қимыл тегігі Бағдарламада белгіленген және ол келесіні қарастырады.

Әкімдікпен бөлінген жер учаскелерінде «Елорда даму» ЖШС тұрғын үй кешендерін жобалауды және олардың құрылысын жүзеге асырады. Тұрғын және тұрғын емес орын-жайлардың бір бөлігі апатты үйлердің меншік иелерінің арасында бөлу үшін коммуналдық меншікке өтеусіз негізде тапсырылады. Әкімдіктің сәйкес бөлімшелері инженерлік желілердің құрылысын және абаттандыру жұмыстарын қамтамасыз етеді, сонымен қатар апатты үйлердің тұрғындарын көшіруді және апатты үйлерді бұзуды жүзеге асырады. Жылжымайтын мүліктің қалған бөлігін «Елорда даму» ЖШС бос нарықта сатады, бұл ретте алынған қаражат жаңа құрылысқа қайта инвестицияланады.

    Пилоттық жобаны іске асыру шеңберінде «Елорда даму» ЖШС 598 мың ш.м. тұрғын үйді немесе 7 453 пәтерді пайдалануға енгізді. Апатты үйлердің меншік иелерін көшіру үшін коммуналдық меншікке өтеусіз негізде ауданы 171 мың ш.м. болатын 3 471 пәтер тапсырылды.

Пилоттық жобаның бірінші кезеңі келесі көрсеткіштермен аяқталды:

    - пайдалануға енгізілген тұрғын үйдің жалпы саны 592 мың ш.м. құрады;

   - апатты үйлердің меншік иелерін көшіру үшін коммуналдық меншікке өтеусіз негізде тапсырылған тұрғын және тұрғын емес орын-жайлардың саны 3 519 құрады, осы арқылы 3 471 отбасын көшіру және апатты жағдайдағы бұзылуға жатқызылған коммерциялық орын-жайлардың орнына 48 тұрғын емес орын-жайды тапсыруға жағдай жасалынды;

    - пилоттық жобаны қайта инвестициялауға бағытталатын сома 44,5 млрд. теңгені құрады.

2018 жылы «Елорда даму» ЖШС 57 мың ш.м. тұрғын үйді немесе 784 пәтерді пайдалануға беруді жоспарлап отыр, оның ішінен 5 мың ш.м. немесе 60 пәтер бүгінгі күні пайдалануға енгізілді. Тұрғын үйдің жалпы көлемінен апатты үйлердің меншік иелерін көшіру үшін коммуналдық меншікке жалпы ауданы 2,6 мың ш.м. болатын 78 пәтер тапсырылады, ал қалған жылжымайтын мүлік бос нарықта сатылады.

Бүгінгі күні ауданы 135 мың ш.м. немесе 2 196 пәтері бар объектілердің құрылысы жүргізіліп жатыр, оларды 2018-2019 жылдары пайдалануға енгізу жоспарланып отыр.

Пилоттық жобаны 2018-2021 жылдары іске асыруды жалғастыру үшін «Елорда даму» ЖШС тұрғын үйдің 302 мың ш.м. немесе 4 285 пәтердің құрылысы бойынша әзірленген жобалары бар.

 

  20170904 165148